HomeАктуелноДОЖД ВО НЕДЕЛА И ПОНЕДЕЛНИК, А ПОТОА НАГЛО ЗАЛАДУВАЊЕ: УХМР најавува и снег

ДОЖД ВО НЕДЕЛА И ПОНЕДЕЛНИК, А ПОТОА НАГЛО ЗАЛАДУВАЊЕ: УХМР најавува и снег

Променливо облачно време со повремени врнежи од дожд нè очекува во наредните денови, а од вторник следува значително постуден период, информираат од Управата за хидрометеоролошки работи (УХМР).

-50%
За Твојата Реклама на овој рекламен банер

Според прогнозата, во недела, 22 ноември, времето ќе биде променливо облачно со сончеви периоди. Во вечерните часови и во текот на ноќта, претежно во западните делови од земјата, се очекуваат повремени врнежи од дожд.

Минималните температури ќе се движат од 0 до 8 степени, а максималните од 14 до 18 степени.

ВО ПОНЕДЕЛНИК ДОЖД, НА ПЛАНИНИТЕ И СНЕГ

Во понеделник, 23 ноември, се очекува променливо облачно време со повремени локални врнежи од дожд.

Поради продор на постуден воздух од север, во попладневните часови на планините дождот ќе преминува во снег. Ќе дува засилен, а наместа и повремено силен ветер.

Температурите ќе се движат од 3 до 10 степени наутро, додека дневните максимални ќе достигнат од 12 до 19 степени.

ОД ВТОРНИК ДОАЃА ПОСТУДЕНО ВРЕМЕ

Од вторник, 24 ноември, се очекува стабилизирање на времето, но со значително пониски температури.

УХМР најавува сончево време со мала до умерена облачност. Утринските температури ќе се спуштат до минус 3 степени во одделни места, а дневните ќе се движат од 7 до 14 степени.

КАКВО ВРЕМЕ ЌЕ ИМА ВО ОХРИД?

Во Охрид во наредните денови исто така се очекува променливо време.

Во недела ќе има облачност и можност за дожд во вечерните часови, додека во понеделник се очекуваат повремени врнежи и засилен ветер.

Од вторник следува заладување, со дневни температури околу 8 степени, а во среда утринската температура може да се спушти под нулата.

Граѓаните треба да се подготват за пониски температури, особено во утринските и вечерните часови.

Rate This Article:
No comments

Sorry, the comment form is closed at this time.