Поради обилни врнежи на снег денеска во 10 часот воведена е забрана за движење на тешки моторни возила на потегот Охрид-Пресека-Кичево и обратно, информираат од АМСМ.
Забрана за товарни моторни возила поради обилни снежни врнежи утрово од 08:30 часот има и на патните правци Кичево – Стража, Гостивар – Стража, Маврово – Дебар, како и Струга-Ќафасан.
Сообраќајот на државните патишта се одвива непречено, по наместа влажни коловози. Слаб снег врне во западниот дел на Републиката.
