Четири возила се опожарени рано изутрината во 03:20 часот на ул.„Петре Пирузе“ во Скопје, пренесува МИА.
МВР информира дека пожарот настанал во патничко моторно возило „ауди“ со скопски регистарски ознаки, сопственост на правно лице, а паркирано од Ј.Ш. Од пожарот биле зафатени и патнички моторни возила „пасат“, „матиз“ и „нисан“ со скопски регистарски ознаки, сите сопственост на Д.М.(53).
Причната за пожарот засега не е позната. Во тек е увид и се работи на расчистување на случајот.
Како што објавија дел од медиумите, меѓу опожарените возила е и автомобил на поранешниот градоначалник на Скопје, Петре Шилегов.
