Земјотрес со јачина од 7,8 степени по Рихтер ја погоди рано утринава јужна Турција и се почувствува во поголемиот дел од таа земја како и во неколку земји во регионот, вклучувајќи ја соседна Сирија, а околу 1.200 луѓе загинаа во Турција и Сирија.
Се стравува дека бројот на мртвите во следните часови дополнително ќе расте.
Сеизмологот Стивен Хикс смета дека земјотресот кој утринава ја погоди Турција би можел да биде најсилниот земјотрес во таа држава забележан со инструменти.
На анимацијата може да се види ширењето на сеизмичките бранови по катастрофалниот земјотрес. Него го забележале и сеизмографите низ Европа.
Seismic waves from the M7.8 (USGS) earthquake in Southern Turkey crossing Europe. Each dot is a seismic station. (GMV) https://t.co/6cY0RObbXv pic.twitter.com/SHbdkxQXzD
— Nahel Belgherze (@WxNB_) February 6, 2023
Потресот кој ги погоди Турција и Сирија се почувствувал дури и во Либан и Израел. Епицентарот на земјотресот бил 23 километри источно од Нурдаги, во турската провинција Газијантеп, на длабочина од 24,1 километар.
