По повод 8ми Септември, Денот на независноста на Република Македонија, општина Гази Баба на ден 07.09.2023 година (четврток) со почеток во 19:30 часот на плоштадот во Автокоманда организира голем музички настан на кој ќе учествуваат естрадните уметници Јордан Митев, Александра Јанева, Наум Петрески, Зуица Лазова и групата Синтезис, а на настнот ќе биде изведен и уметнички перформанс со наслов “Во слава на минатото” од македонски актери, фолклорниот ансамбл Седенка и вокално инструменталната група Аманет.
Во објава на својата официјална страна на фејсбук, градоначалникот на општина Гази Баба Бобан Стефковски ги покани сите граѓани да присуствуваат при што напиша:
– Само од нас зависи, дали Македонија ќе биде се што имаме или се што немаме. Денот на независноста е светол датум во историјата на Македонија и наша должност е да го почитуваме. – напиша Стефковски.
