Донирани финансиските средства од Третиот хуманитарен турнир – Street Basket 3х3 „Од деца за деца“ Охрид 2024.
Донирани се 75 000 денари во Центарот на аутизам – Охрид од страна на ОСМТХ – Командерија „Св.Наум Охридски“ – Охрид.
Финансиските средства беа собрани на Хуманитарниот турнир – Street Basket 3×3 „Од деца за деца“ Охрид 2024 кој се одржа на 08.06.2024 година во Охрид.
Покровител на настанот е ОСМТХ Велик Приорат Македонија, Командерија „Св.Наум Охридски“ – Охрид , во соработка со К.К „Колибри“ – Охрид, Здружение Енхелеус Лихнид, Лабино саунд и Црвен Крст – Охрид.
Oва е трет хуманитарен турнир – Street Basket 3х3 „Од деца за деца“ Охрид 2024 год., турнирот е одлична можност за децата на возраст од 10 до 15 години од Охрид и пошироко, да се дружат, спортуваат и го развиваат хуманитарниот дух, велат организаторите.
Сите собрани средства беа донирани во Центарот за аутизам во Охрид.
Среќни сме што настанот прерасна во една убава традиција и тоа што финансиските средства се донирани онаму каде што се најпотребни во овој момент. Street Basket 3х3 „Од деца за деца“, со самото име кажува што е целта на овој настан, децата преку духот на хуманоста играа за други деца, додаваат организаторите.
Забрането преземање и копирање/ Фото: Приватна архива
Е.Р | powerinfo.mk
