По повод денешниот празник – Денот на македонската револуционерна борба, на социјалната мрежа Facebook со свој статус, честитка упати и градоначалникот на општина Охрид, д-р Кирил Пецаков.
23. Октомври – Денот на македонската револуционерна борба е потврда дека милениумското постоење на македонците, било со постојана борба за себеидентификација од антиката па се до денес. Македонците се борат затоа што се храбри, трпат затоа што се мудри, простуваат затоа што се Богуугодни. И најважно од се знаат одново и одново да градат за себе и за сите други кои ги споделуваат ваквите вредности. Јас сум уверен дека како генерација го носиме кодот на нашите предци и знаеме да ги пребродиме сите предизвици кои се пред нас за извесна и просперитетна иднина. Нека ни е честит и вековит 23 Октомври и вечна да ни е Македонија! – стои во честитката на градоначалникот на општина Охрид, д-р Кирил Пецаков.
