HomeАктуелноСКАНДАЛ ПРЕД СРПСКОТО СОБРАНИЕ: Жена ја поли актерката Лидија Вукиќевиќ со јогурт по главата

СКАНДАЛ ПРЕД СРПСКОТО СОБРАНИЕ: Жена ја поли актерката Лидија Вукиќевиќ со јогурт по главата

Инцидент го одбележа денешното влегување на новите пратеници во српското Собрание во Белград. Српската актерка и новоизбрана пратеничка од редовите на Српската напредна партија (СНС), Лидија Вукиќевиќ, беше полиена со јогурт по главата додека влегуваше во парламентарната зграда.

-50%
За Твојата Реклама на овој рекламен банер

Настанот се случил утринава, пред почетокот на конститутивната седница на новиот состав на Народното собрание, пред кое се собрале поддржувачи на студентската листа за да ги пречекаат своите пратеници.

При влегувањето на пратениците од листата на СНС, дел од присутните свиркале и упатувале негодувања, а во еден момент жена ѝ истурила јогурт врз главата на Вукиќевиќ.

Според српските медиуми, станува збор за Марија Радовановиќ, поранешна секретарка на Медицинскиот факултет. Таа подоцна изјавила дека реагирала во афект поради политиката што ја претставуваат СНС и актерката.

Вукиќевиќ по инцидентот се избришала со марамче и продолжила кон влезот на Собранието.

ВУЧИЌ ГО ОСУДИ ИНЦИДЕНТОТ

Инцидентот предизвика реакции во српската јавност. Александар Вучиќ го осуди настанот и изјави дека станува збор за напад врз пратеничка, посочувајќи дека биле упатувани и навреди, а според неговите тврдења, Вукиќевиќ била влечена за коса и за половината.

Тој побара осуда на ваквото однесување и извинување од организаторите на собирот.

Од друга страна, студентите на Медицинскиот факултет се оградија од ваквиот чин, посочувајќи дека тој не е во согласност со вредностите за кои се залагаат.

ПОЛИТИЧКИ ТЕНЗИИ ПРЕД НОВИОТ СОСТАВ НА ПАРЛАМЕНТОТ

Инцидентот се случува во период на големи политички промени во Србија. На изборите одржани на 25 октомври, студентската листа освои 140 од вкупно 250 пратенички места, со што заврши 14-годишното владеење на Српската напредна партија.

Денешната конститутивна седница го означува почетокот на работата на новиот парламентарен состав, но наместо само свечена атмосфера, првиот ден го одбележаа политички препукувања, свирежи и инцидентот со јогуртот.

Случајот повторно ги отвори прашањата за политичката нетрпеливост и однесувањето кон политичките неистомисленици во Србија.

Rate This Article:
No comments

Sorry, the comment form is closed at this time.