Хамас распоредува 1.000 припадници на специјалните единици за напад на Израел, изјави денеска извор близок до групата.
Како што наведе, Хамас се подготвува да го изврши најразорниот напад врз Израел во последните децении.
Според Ројтерс, видеа од дел од операциите или детали за обуката на тие единици се објавени од Хамас и неговото вооружено крило Бригадите Из ал-Дин ал-Касам, како и некои сведоци.
Според тие извори, вежбите вклучувале изградба на лажна израелска населба за вежбање воено слетување и обука за напад.
На 28 декември 2022 година, Заедничката канцеларија на палестинските движења на отпорот, предводена од воените крила на Хамас и Исламски Џихад, објави на својот канал Телеграм фотографии на кои се гледа како што вели обуката за „напад зад непријателските линии, како и за фаќање израелски војници .
Извор близок до Хамас рече дека борците на групата тренираат во Газа од последниот конфликт во 2021 година, повремено спроведувајќи вежби на јавно место. Портпаролот на израелската армија изјави дека израелските војници се борат против вооружените милитанти на Хамас на неколку точки околу Газа, повеќе од 48 часа по нападот во раните утрински часови во саботата.
Конфликтот започна кога Хамас истрела 3.000 ракети, според организацијата, додека израелската војска соопшти дека има 2.500 проектили, кои имале за цел да им дадат можност на борците на Хамас да ја пробијат утврдената ограда околу Газа и да извршат операции во Израел.
После тоа, палестинските борци на моторизирани параглајдери ја прелетаа границата и го обезбедија теренот за главниот копнен напад. Израелската армија возврати и изврши голем напад врз центрите на Хамас во Газа, јави денеска Би-Би-Си.
Хамас, во меѓувреме, продолжи со масовните ракетни напади врз Израел од Појасот Газа.
