Крајот на изградбата на автопатот Кичево-Охрид, според амандманите од важечкиот договор е до крајот на 2023 година. Можам да кажам дека се работи интензивно на целата траса од Кичево до Охрид и е воведена и втора смена. Значи, досега не се работеше толку интензивно на оваа делница, рече директорот на ЈП за државни патишта, Ејуп Рустеми.
Во врска со новата цена за изградбата на автопатот, Рустеми одговори дека таа е според важечкиот договор усвоен во Собранието, односно со петтиот амандман. Според него, може да има измена во цената заради промената на односот на еврото и доларот, бидејќи договорот бил потпишан во долари и заради зголемувањето на цената на градежните материјали, но не сака да шпекулира за цените и за износот и ќе се знаел на крајот од изградбата.
