Пријавувањето е во тек!
На 8.06.2025 година во кругот на игралиштето на ОЕМУЦ „Св. Наум Охридски“ во Охрид ќе се одржи Четвртиот хуманитарен турнир – Street Basket 3х3 „Од деца за деца“ Охрид 2025, покровител на настанот е ОСМТХ Командерија „Св.Наум Охридски“ – Охрид , во соработка со К.К „Колибри“ – Охрид.
Се повикуваат сите деца на возраст од 9 до 13 години да се пријават, без никаков надомест да играат, да се забавуваат во духот на хуманоста.
Организаторите ги повикуваат и сите заинтересирани фирми и граѓани со свои расположливи ресурси, хуманитарно да се приклучат на иницијативата, која ќе допринесе до подобрување на условите на деца со попреченост и аутистични деца.
Oва е четврт хуманитарен турнир – Street Basket 3х3 „Од деца за деца“ Охрид 2025 год., кој прераснува во една убава традиција, турнирот ќе биде одлична можност за децата од Охрид и регионот, да се дружат, спортуваат и го развиваат хуманитарниот дух, информираат организаторите.
На турнирот ќе настапуваат деца од три категории и тоа:
- Прва категорија (деца родени 2016 и помали)
- Втора категорија (деца родени 2014-2015)
- Трета категорија (деца родени 2012-2013)
Сите заинтересирани треба да состават своја екипа 3(тројца), можат да учествуваат машки и женски екипи или екипи со мешан состав, без никаков надомест.
Пријавувањето на екипите може да се врши на следниот телефонски број: 075/777-776
Сите собрани средства ќе бидат донирани во хуманитарни цели и традиционално во Центарот за аутизам во Охрид.
Имено, за најуспешните три екипи обезбедени се вредни награди од страна на главниот покровител на настанот, додека секој учесник добива маичка.
Ова е настан кој дефинитивно не смее да се пропушти! Пријавувањето е во тек!
