Поради уличен дефект Ф-300мм на ул.Владимир Комаров 13 во населба Аеродром, од синоќа од полноќ прекинато е водоснабдувањето за корисниците од Пензионерски Дом, Кипер Маркет и една зграда на истата улица.
Како што соопшти РЦУКК Скопје по известување на ЈП Водовод и Канализација, на санирањето на дефектот ќе се работи од 09:00 часот утрово, а прекинот во снабдувањето со вода ќе трае до санирање на дефектот.
По известување добиено од ЕВН Македонија АД, пак, денеска без електрична енергија ќе останат корисници во делови од неколку општини
Во периодот од 06.30 до 12.30 часот, без струја ќе бидат корисниците од бул. Киро Глигоров, во општина Гази Баба, од 08.30 до 15.00 часот, корисниците од ул. Козле од бр.143 до бр. 157.
Во Општина Кисела Вода во периодот од 09.00 до 11.00 часот, без електрична енергија ќе бидат дел од корисниците од ул.Бистра (од ул. Живко Фирфов до ул.Гутенбергова), а од 09.00 до 11.00 часот, дел од корисницитеод ул. Гутенбергова(од ул. Бистра до ул. Волтерова).
Во периодот од 09.00 до 15.30 часот, дел од корисниците од ул. Бриселска, и од 09.00 до 12.00 часот, дел од корисниците од ул.Иван Цанкар (парни броеви), ул.Франце Прешерн,(непарни броеви) и ул.Вангел Дину во општина Карпош.
Во периодот од 09.00 до 16.00 часот, без струја ќе бидат и дел од корисниците од ул. Ѓорѓи Капчев во Општина Аеродром.
