Премиерот Христијан Мицкоски преку видео објава на својот фејсбук профил информира дека на потегот од Климештани до Охрид интензивно се работи. Вклучени се околу 1 100 -1 200 работници со над 400 камиони и повеќе од 100 булдожери.
Како што наведува Мицкоски, активности се спроведуваат по целата траса на автопатот од кој минатата недела беа пуштени првите 20 километри.
Во овие осум месеци работат на потегот од Климештани до Охрид над 400 камиони, над 100 булдожери од различни типови се вклучени исто така во работата, има и специјализирани машини, особено за потпатниците. Во број на ангажирани работници, некаде околу 1100 -1200 работници работат по целата траса на автопатот.
Доаѓа времето на Македонија, ги градиме темелите на промените, истакнува премиерот.
Според најавите, потегот од Климештани до Охрид се очекува да биде пуштен за сообраќај кон крајот на летото.
