Жвееја и пострадаа во Рим, во времето на царот Адријан. Мудрата Софија, како што ја одликува и името што го носи (бидејќи софија на грчки значи мудрост), остана вдовица, а како добра христијанка се утврди себеси и своите ќерки добро во верата Христова. Во времето кога мачителската рака на Адријан се протегна и врз добродетелниот дом на Софија, Вера имаше дванаесет, Надеж десет, а Љубов девет години. Изведени пред царот, тие сите четири држејќи се за раце смерно, но одлучно, ја исповедаа верата во Господ Христос и одбија да ѝ принесат идолски жртви на Артемида. Пред страдањето, мајката ги крепеше ќерките со совети да истраат докрај. „Вашиот небесен женик Исус Христос е вечно здравје, неискажлива убавина и живот бесмртен. И кога вашите тела ќе бидат убиени во маки, Он ќе ве облече во нераспадливост и раните на вашите тела ќе светнат на небото како ѕвезди.“ Мачителот ги мачеше со лути маки сите, една по една: најпрво Вера, па Надеж, па на крајот Љубов. Ги тепаа, ги сечеа, ги фрлаа во оган и во врела смола и најпосле една по една ги убија со меч. Софија ги зеде мртвите тела на своите ќерки, ги однесе надвор од градот и таму чесно ги погреба. Остана на нивниот гроб три дена и три ноќи молејќи Го Бога и така Му го предаде својот дух итајќи во рајските населби, каде што ја чекаа душите на нејзините блажени ќерки.
Обичаи:
Празникот на Светите маченички Вера, Надеж, Љубов и нивната мајка Софија се поврзува со верата, надежта, љубовта и мајчинската пожртвуваност.
На овој ден верниците:
- се молат за здравје, мир и благосостојба во семејството;
- особено се молат за децата и нивната заштита;
- одат во црква и палат свеќи за здравје и за покој на блиските;
- празникот го поминуваат во семејна слога и љубов, без кавги и расправии;
- се потсетуваат на значењето на верата, надежта и љубовта како христијански добродетели.
Имињата на трите сестри – Вера, Надеж и Љубов – се симбол на трите големи христијански добродетели, додека нивната мајка Софија го симболизира мудроста.
Што не треба да се прави на празникот?
Според народните верувања и обичаи, на празникот на Светите маченички Вера, Надеж, Љубов и нивната мајка Софија не се препорачува:
- да се влегува во кавги, расправии и навреди;
- да се прават намерни караници и раздори во семејството;
- да се нанесува зло или неправда некому;
- празникот да се поминува во лутина, омраза и завист;
- доколку се почитува како неработен црковен празник, да се избегнуваат тешки и непотребни домашни работи.
Важно е да се разликуваат црковните учења од народните верувања – многу од забраните за конкретни домашни работи се дел од традицијата, а не строги црковни правила. Најважната порака на празникот е да се негуваат верата, надежта, љубовта, мирот и семејната слога.
