Променливо облачно со повремени локални врнежи од дожд. Ќе дува умерен, а долж Повардарието повремено засилен ветер од северозападен правец.
Пред нас е нов влажен и поладен воздушен бран кој пристигнува од северозапад. Денес, во претпладневните и раните попладневни часови, времето во Македонија ќе биде променливо облачно со локални врнежи од дожд, а со падот на температурите, на повисоките планини над 1800 метри ќе има и повремени врнежи од снег. (Прогноза спроведена од еден од најдобрите и најдетални метеопрогнозери, Славчо Попоски).
Промената ќе ја придружува засилен северен и северозападен ветер, најизразен долж Повардарието, кој локално може да создаде чувство на постудено време.
Во Скопје и околината се очекува повремен локален дожд и засилен северен ветер во текот на денот.
Температурите ќе се движат од 11 до 18 степени, а во главниот град до околу 16 степени.
