Владините партнери воопшто не ја отвориле дебатата за промена на државните симболи и во моментов се што циркулира во јавноста се ставовите на поединечните политички субјекти. Владиниот потпретседател Изет Меџити денеска не сакаше да ги коментира неговите позиции во овој процес откако претходно рече дека добро би било македонската химна да биде без текст.
Меџити денеска рече дека со премиерот воопшто не разговарале за промена на грбот и химната но дека тоа во Владата не е табу тема. Според Меџити, Македонија во моментов има поважни работи од промена на државните симболи.
Вчера во Тема на денот на телевизија Сител, лидерот на ЗНАМ, Максим Димитриевски рече дека неговата партија која е дел од владината коалиција е против промена на државните симболи.
