Под влијание на топла воздушна маса од југ, од утре до петок не очекуваат екстремно високи температури – над 30°C насекаде, а локално и над 40°C. Според УХМР, UV индексот ќе достигне вредност 9, што значи многу висок ризик од штетно UV зрачење.
Во петок попладне и вечерта се најавува локална нестабилност со пороен дожд и грмежи, а за време на викендот ќе има пад на температурите и засилен северен ветер.
Институтот за јавно здравје препорачува:
-
Избегнување директно изложување на сонце во периодот од 11 до 17 часот
-
Носење лесна, широка и светла облека, капа со широк обод и очила за сонце
-
Консумирање доволно течности, особено вода – најмалку 2 литри дневно
-
Престој во ладни или климатизирани простории, особено за стари лица, хронично болни и деца
-
Избегнување физичка активност во најтоплиот дел од денот
-
Лесна храна – повеќе овошје и зеленчук, избегнување тешки и мрсни јадења
ИЈЗ апелира граѓаните да бидат внимателни, а особено ранливите категории да преземат мерки за заштита.
