До 7 часот изутринава, на целата територија на Северна Македонија регистрирани се вкупно 28 огнови на отворен простор. Од нив, три се уште се во пламен, четири се ставени под надзор, а 21 се успешно ликвидирани, соопштија од Центарот за управување со кризи (ЦУК).
Според информациите на ЦУК, активни се пожарите во општина Македонски Брод, во близина на селото Бенче на планината Добра Вода, каде што гори дабова шума и папрат. Исто така, активни се и пожарите во општините Чучер Сандево и Липково, поточно во селата Малино, Танушевци и Лукаре, каде што огнот зафатил мешана шума.
Во општина Прилеп, во селото Дабница и на месноста Три багреми, се уште е активен пожарот кој ја зафатил ниската вегетација и отпадоците.
