Центарот за управување со кризи информира дека до 12 часот во земјава имало вкупно 12 пожари на отворен простор, од кои шест активни, три под контрола и три изгаснати.
Активни се пожарите во Општина Василево, Радовиш и Берово – с. Нивичино, планина Голем Готен и Малешевските Планини каде гори нискостеблеста шума, смрека, грмушки и ниска вегетација, во Општина Прилеп 1 – с. Бешиште, м.в. Бешишки Рид, крак према с. Градешница и друг према граница со Грција каде гори мешана шума, вториот пожар во прилепско е крак кон село Дрен, делот помеѓу Царевиќ и Смолани е под контрола (мешана шума и ниска вегетација); во Општина Македонски Брод – меѓу с. Црешево, Локвица и Крапа (деградирана дабова шума, грмушки и ниска вегетација); во Општина Штип – меѓу с. Драгоево и Селце (нискостеблеста шума, прнар и сува трева) и во Општина Желино – меѓу с. Церово и Групчин (нискостеблеста и деградирана шума).
Под контрола се два пожари во Македонски Брод и тоа во с. Грешница (мешана шума и сува трева) и во с. Латово (ниска вегетација и деградирана шума), а третиот е во Карбинци – с. Јунузлија (шума).
Изгаснати се пожарите во струмичко и тоа во месноста викана Три Води (ниска вегетација и мешана шума), во Зелениково – с. Гумалево (ниска и мешана вегетација);
и во Шуто Оризари – ул. Брсјачка Буна (дива депонија).
