По повеќегодишниот застој, конечно се отвора патот за завршување на затворениот базен во Охрид.
Владата обезбеди 470 милиони денари за целосно довршување на објектот, кој се гради повеќе од една деценија.
За новината денеска се огласи и охридскиот пратеник Сашо Донев, кој ја сподели информацијата и порача:
Конечно! После 11 години чекање, Охрид го добива покриениот базен.
Проектот започна во 2015 година, но во изминатите години беше проследен со застои и нерешени технички и финансиски прашања. Со обезбедувањето на средствата сега се создаваат услови за продолжување и завршување на изградбата.
За Охрид, реализацијата на овој проект би значела добивање современ затворен спортски објект што ќе може да се користи во текот на целата година.
