Општина Крива Паланка упати апел до сите граѓани кои можат да се приклучат и да помогнат во гаснењето на пожарот, кој излегува од контрола и се шири со огромна брзина во неколку правци!
Станува збор за закана од големи размери – на удар се домови, шуми и животи! Не е време за чекање или размислување – апелирам до сите граѓани што се во можност: ИЗЛЕЗЕТЕ И ПОМОГНЕТЕ! Секоја рака помага! Секоја канта, секој човек, секој обид е од огромно значење! Да покажеме дека сме заедница што се грижи, реагира и делува кога е најтешко, апелира Општината.
Од таму ги советуваат граѓаните за да споделат, да се организираат, и да ги известат сите што можат.
Инаку во меѓувреме, над Крива Паланка можеше да се слушне и пристигнување на воздушна поддршка.
Градоначалникот Сашко Митовски извести дека е побарана помош од околните општини, од надлежните државни институции како и од соседна Бугарија.
Тој апелираше и да не се користи непотребно водата од бунарите и резерварите, со цел да има доволно вода за гаснењето.
