Интервенцијата која ја извршивме денеска значајно ќе и го подобри квалитетот на живот на пациентката. По хируршкото отстранување на дел од дискусот, кој и оневозможуваше да оди, следува период на опоравување, напиша д-р Венко Филипче на својот профил на Фејсбук додавајчи дека на пациентката и посакува добро здравје и што побрзо да се врати на секојдневните животни активности.
Универзитетската Клиника за неврохирургија значајно го зголеми квалитетот на оперативните интервенции. За разлика од минатото, многу нови методи, оперативни техники сега се стандардни и рутински, се вели во неговата објава.
