Новиот трговски центар Охрид Мол ќе ги отвори вратите за посетителите во среда, 28-ми мај. Со површина од над 17.000 м2 и внимателно одбрани содржини усогласени со потребите на потрошувачите, новиот трговски центар во Охрид се очекува да го редефинира концептот за пазарување, но и да има позитивно влијание врз локалната економија и развојот на овој дел од градот.
Во Охрид Мол присутни ќе бидат познати модни брендови како “NewYorker” и “Sinsay”, потоа “D Sport” кој ќе биде најголемата спортска продавница во Охрид, како и еден од најголемите ланци на дрогерии во Европа, “DM drogerie markt”.
Дел од Охрид Мол ќе бидат и познатиот македонски ланец на маркети “Жито”, “Meга Фешн” – мултибренд аутлет на брендовите од групацијата Inditex – Zara, Massimo Dutti, Bershka и сл, “Office Plus”, “Duki Daso”, “Sara Fashion”, “Виа Фарм”, експозитура на Хaлк Банка, тобако продавница “La Familia”, парфимерија “Piano”, “IQOS”, “Umbrella”.
