Вработените на Клиничката болница Жан Митрев, предводени од д-р Митрев заедно со медицинскиот и немедицинскиот персонал доброволно даруваа крв и испратија порака за хуманост и подигнување на свесноста за потребата од дарување на течноста што живот значи. Доброволната крводарителска акција беше реализирана во организација на Институтот за трансфузиона медицина BloodBank TENK и во присуство на доброволци од Црвен крст на Република Северна Македонија.
Ваквите акции што се спроведуваат редовно во Клиничката болница Жан Митрев, имаат големо влијание и придонесуваа за подигање на здравствената култура и јавната свест за постојаната потреба од крводарителство. Со масовното учество и во оваа крводарителска акција вработените уште еднаш покажаа дека како колектив поседуваат високи етички, хумани и морални вредности.
Во доброволната акција еднакво се вклучија и членовите на потесните семејства на вработените и се солидаризираа и тие доброволно даруваа крв.
Крводарителската акција се спроведува редовно и премина во традиција која ја поддржуваат и се вклучуваат сите вработени. Се организира согласно потпишаниот меморандум за соработка за крводарителство со Институтот за трансфузиона медицина „Bloodbank – TENK“.
