Министерството за внатрешни работи ја известува јавноста дека почна наизменично пропуштање на возила на патниот правец Стенковец-ГП Блаце, во едниот, па во другиот правец. Но, апелираме до граѓаните, доколку тоа не е неопходно, да не тргнуваат кон ГП Блаце, се до целосно нормализирање на сообраќајот односно целосно гасење на пожарот во близина на патот, информираат од МВР.
