Деветнаесета седница на Советот на Општина Охрид ќе се одржи во вторник, на 15-ти ноември 2022 година, со почеток во 10:00 часот. На дневен ред се 58 точки.
Меѓу нив предлог-програми за измени и дополнувања на програмите за поддршка на локалниот економски развој на општина Охрид за 2022 година, за поттикнување на развојот на турузмот на општина Охрид за 2022 година, за финасиските потреби на ТППЕ Охрид за 2022 година, за заштита на животна средина и природа за 2022 година, за спорт и рекреација за 2022 година, за млади и невладини организации за 2022 година, за активностите на општина Охрид во областа на културата за 2022 година.
Предлог-програми за измени и дополнувања на годишната програма на Општина Охрид за здравствена и социјална заштита за 2022 година (Т1), на развојната програма за капиталните инвестиции на општина Охрид во областа на основното образование 2022-2024 година (НА), за изградба на сообраќајна сигнализација за 2022 година, за уредување на градежно земјиште за 2022-2024 година, за јавно осветлување за 2022 година, за изградба на системи за одведување и прочистување на отпадни води за 2022-2024 година, за одржување и заштита на локални патишта, улици и регулирање на режим на сообраќај за 2022 година, за подигање и одржување на паркови и зеленило за 2022 година, за одржување на јавна чистота за 2022 година.
На дневен ред и Предлог-одлука за изменување и дополнување на буџетот на ЕЛС Охрид за 2022 година, како и за за донесување на буџетскиот календар, но и извештаите од работата на ЈП-ја во период од 01.07. до 30.09. 2022 година.
Меѓу точките и оние кои се однесуваат на урабнистичко-плански документации.
