Облачно и дождливо време ја очекува Македонија денеска, 3 ноември, а на одделни места се очекуваат и пообилни врнежи. Според прогнозата на Управата за хидрометеоролошки работи (УХМР), локално се очекува да наврнат над 25 литри дожд на квадратен метар.
Ќе дува слаб до умерен ветер од северен правец, кој повремено ќе засилува долж Повардарието. Врнежите постепено ќе престануваат кон крајот на денот.
Во Охрид денеска ќе преовладува облачно време со повремени локални врнежи од дожд. Ќе дува умерен до засилен северен ветер, а максималната температура ќе достигне до 12 степени.
Од утре следува промена на временските услови. Времето ќе биде стабилно и суво, со променлива облачност, а во одделни котлини ќе има услови за појава на утринска магла.
Постудени утра се очекуваат од петок, кога минималните температури во некои места ќе се спуштат под нулата. Во текот на викендот ќе преовладува посвежо време, со пониски утрински температури.
Граѓаните треба да бидат внимателни при движење во сообраќајот поради влажните коловози и локално пообилните врнежи.
