Шумскиот пожар кој попладнево изби во атарот на крушевското с. Пуста Река, доби опасни димензии и се приближи близу до селото поради што на помош на крушевските пожарникари се испратени два полициски хеликоптери.
„Благодарение на пожарникарите, месното население и двата полициски хеликоптери пожарот е ставен под контрола. Се работи на негово догаснување“ изјави директорот на ЦУК, Стојанче Ангелов.
