Почнува прославата за Василица во Охридското село Куратица и оваа година, по 25-ти пат празникот Свети Василиј Велики или Василица ќе го прослави со голем карневал под маски.
Куратица се подготвува за вечерашната прослава на Василица со традиционалниот карневал кој годинава се одржува по 25-ти пат. Курајчани, верни на традицијата, ќе ги оживеаат старите василичарки обреди и ќе го збогатат празнувањето со богата софра, музика и веселба.
Официјалниот дел од карневалот ќе започне вечерва во 20 часот со дефилето на маски на кое годинава ќе прв пат ќе учествува и група од Воден, Грција и општонародна веселба.
Годинава во музичкиот дел ќе настапат групата Оскар и поп-фолк пејачката Анета Љумаковска. Како и секоја година ќе бидат избрани најдобрите маски, а прогласувањето на победниците ќе биде проследено со огномет. Карневалското лудило продолжува и после полноќ, со песни и ора на сред село.
