По повод двата немили настани во Р. Србија, едниот во училиштето „Владислав Рибникар“, другиот во Младеновац, Почесниот конзулат на Р. Србија во Македонија со седиште во Охрид, ги повикува граѓаните на 7 мај во 11 часот да дојдат да оддадат почит кон жртвите на градскиот плоштад Св. „Климент Охридски“.
Заедно да одадеме почит на жртвите и да одиме во 12 часот во црквата Св. „Богородица Перивлепта“, стар град, каде ќе се одржи панихида за трагично починатите граѓани. Изразуваме длабоко сочуство до семејствата на трагично загинатите, посакуваме брзо и лесно опоравување на сите повредени лица. Изразуваме силна емпатија, солидарност, сплотеност до Српскиот братски народ и Р. Србија, вели почесниот конзул на Р. Србија во Македонија со седиште во Охрид, М-р Михајло Филев.
