Патниот правец од Кочани, поточно село Бели кон Пониква утре од 10 часот ќе биде затворен за сообраќај поради одржување на меѓународниот натпревар во автомобилизам од календарот на ФИА-ЦЕЗ на ридски патеки.
По завршување на натпреварот кој ќе се одржува од 12 часот, патот ќе биде отворен за сообраќај.
Од понеделник патниот правец Маврови Анови – Жировница (Р1202) ќе биде затворен за сообраќај од 10 до 16 часот.
– Во понеделник (5 септември), вторник (6 септември) и среда (7 септември), Пелагонија АД Гостивар како изведувач на работите ќе воспостави времен режим на комплетно затворен сообраќај во периодот од 10 до 16 часот на патен правец Маврови Анови – Жировница (Р1202) поради испитување на мостовските конструкции на патот „Рехабилитација на регионален пат Р1202, делница Маврови Анови – Жировница“ согласно Одобрението за времена измена на режимот на сообраќај, соопшти Автомото сојузот на Македонија (АМСМ).
