Во петокот во Белград се одржа саемот „Винска визија на отворен Балкан“, а домаќин на лидерите на Албанија, Северна Македонија и на Црна Гора беше претседателот на Србија, Александар Вучиќ, кој не криеше колку го сака виното.
Самиот се пофали дека може многу да пие, што се гледаше по неговото однесување, а по видеото на Вучиќ во напиена состојба, се појави и видео од црногорскиот премиер Дритан Абазовиќ, кој во тие моменти му кажа шега за Црногорците.
На видеото што го објави Абазовиќ на својот канал „ТикТок“, се гледа како Вучиќ стои потпрен на шипката, додека Абазовиќ го прашува: „Знаеш ли што е карактеристично за црногорскиот штанд?“, а потоа му одговара „единствено тој има стол“.
