Граѓаните преку плаќање за паркинг ќе донираат во хуманитарни цели. Во насока на поддршка на нашите сограѓани на кои тоа им е најпотребно, воведуваме зона за хуманитарни паркинзи информираат од Општина Охрид.
Средствата кои ќе бидат сорбани од наплатата на паркинг ќе се донираат онаму каде што тоа ќе биде најпотребно. За почеток е предвидено две паркинг места на улица „Кеј Македонија“ да бидат посебно обележани, а планирано е во иднина хуманитарни паркинзи да се обележат на повеќе локации низ градот, додаваат во соопштението.
Потенцираат дека Охрид од секогаш бил хуман град, а цел е да се продолжи да се развива во таа насока.
Носител на проектот е ЈП „Билјанини извори“, додека Општина Охрид е прва општина во Македонија која воведува ваков тип на паркинг простор.
