Времето денеска ќе биде сончево и доста топло со мала до умерена локална облачност. Ќе дува слаб до умерен ветер кој во западните делови ќе засилува. Минималната температура ќе биде во интервал од 5 до 15, а максималната ќе достигне од 29 до 35 степен. УВ-индексот ќе биде 7.
Во Охрид ќе биде сончево и топло со мала до умерена облачност. Минималната температура ќе се спушти до 11, а максималната ќе достигне до 30 степени.
Како што информира Управата за хидрометеоролошки работи (УХМР), под влијание на јужно воздушно струење ќе има значителен пораст на температурата. Особено топло ќе биде денеска и утре, кога дневната температура ќе биде над вообичаениот просек и ќе биде активно жолто ниво на опасност од високи температури.
В сабота ќе биде нестабилно со пороен дожд, грмежи и засилен ветер, а в недела ќе дува силен северен ветер кој најпрвин во северните делови ќе донесе заладување.
