Општина Дебрца за учебната 2021/2022 година ќе додели стипендии на одлични ученици од општина Дебрца, запишани на јавните и приватните средни училишта во Република С. Македонија, како и на редовни студенти од општина Дебрца, запишани на додипломски студии од прв циклус на јавните и приватните универзитети и високообразовни установи во Република С. Македонија.
Висината на стипендијата за учениците ќе изнесува 1.500,00 денари месечно, за девет месеци во текот на учебната година, додека висината на стипендијата за студентите ќе изнесува 2.500,00 денари месечно, за девет месеци во текот на студиската година, информираат од општина Дебрца.
Пријавата со потребните документи, учениците, односно студентите треба да ги достават во рок од 15 дена, а најдоцна до 30.12.2021 година, на адреса: Општина Дебрца, 6344 село Белчишта, во затворен плик, со назнака: „За Комисијата за спроведување на Конкурсот за доделување ученички и студентски стипендии“.
Списокот со избраните кандидати ќе бидe објавен најдоцна до 15.01.2022 година на интернет страницата на Општина Дебрца. Учениците и студентите кои ќе добијат стипендија ќе склучат договор со општина Дебрца со кој ќе се уредат меѓусебните права и обврски, се вели во соопштението.
Потребните документи и услови се објавени на следните линкови:
