Мерката МојДДВ ќе продолжи да се реализира, а од почетокот на 2023 година граѓаните што скенираат сметки наместо досегашните 1.800 денари за едно тромесечие ќе може да добијат до 2.100 денари, најави директорка на Управата за јавни приходи(УЈП), Сања Лукаревска за ТВ Сител.
Проектот почна пред неколку години со цел да се намали сивата економија и како што најави Лукаревска, обезбедени се средства тој да се модифицира и да продолжи.
„Мерката Мој ДДВ даде резултат. Обезбедени се средства, повеќе од 2 милијарди се предвидени во буџетот затоа што ќе го зголемиме и лимитот. Како што ветивме од 2023 година, ќе враќаме за едно тримесечие 2.100 денари кај граѓаните наместо досегашните 1.800 денари“, рече Лукаревска.
