Вечерва избувна нов пожар на повеќе локации во околината на Смилковско Езеро, за кој постои сомневање дека е подметнат.
Пожарот брзо се прошири, а поради опасноста, сообраќајот на дел од обиколницата е целосно во прекин.
Екипи за интервенција заедно со кризниот штаб се веќе на терен и работат на локализирање на огнот.
Надлежните предупредуваат дека, како последица на пожарот, можно е да дојде и до прекин во снабдувањето со електрична енергија во околните населби.
- Градоначалникот на Гази Баба Бобан Стефковски објави дека вечерва на повеќе локации е подметнат пожар на Смилковско езеро.
Ова е геноцид. Сообраќајот од обиколницата е во прекин! Екипите со кризниот штаб се на терен! Се очекува да има прекин и на електричната енергија, предупреди тој на својот фејсбук профил споделувајќи видео од страшниот пожар.
