Во доцна вечерното интервју за Си-ен-ен, портпаролот на ИДФ Џонатан Конрикус беше прашан да коментира за тоа колку брзо може да започне копнената офанзива.
„ИДФ е распоредена долж Појасот Газа. Резервите се подготвени, опремени и во готовност“, рече тој. Но, не сакаше да се најави кога ќе почнат активностите.
„Копнената активност е една од опциите, една од алатките со кои располагаме“, додаде тој.
Претходно вчера израелскиот министер за одбрана Јоав Галант ги посети израелските војници стационирани на границата со Газа и им порача дека наскоро ќе ја видат територијата „од внатре“.
„Ќе дојде редот“, рече Галант. Набргу потоа, израелскиот премиер Бенјамин Нетанјаху објави видео на кое е опкружен со војници и ветува победа.
Missiles reportedly fired at Israel from Yemen, the prospects of ground maneuvers and the readiness of the IDF. That and more on @cnni with @ErinBurnett pic.twitter.com/97MoVjo4xh
— Jonathan Conricus (@jconricus) October 20, 2023
